皇后碼頭

7月30日 山雨欲來

皇后碼頭清折在即，政府隨時都可能派人清場。露宿在皇后碼頭的人，心情都可像比前些時緊張，大家都盡情享受那最後的時光。

大家究竟還可欣賞幾多個日出日落.....

7月27日 利物浦4

費蘭度托利斯終於登場，之前拍下的其他球員比賽相基本上無用了....

可惜謝拉特出得太遲，無相呀!!!!!!!!!!

7月26日 BB誕生

老友生咗個BB女，自己九點收到消息，竟然連自己都興奮到瞓唔著，急不及待去醫院睇兼影相，B女第一日出世一定要影啦!第日一定要幫佢影好多好多相。

老友群中又有小生命誕生，又不斷有結婚呀買樓呀呢D消息。

而自己仲係一個人

覺得自己好似離大家好遠....

7月24日 利物浦3

本應因記者証可否進場而引起的問題，而令大家非常傷腦筋，還想了數個方案應對，但入場時根本檢查就不太嚴，其他好多行家都不理，或根本唔知可能有問題，令到我們傷腦筋的好幾人白費心機，想起都覺得傻!!!

謝拉鬼托里斯都無上出場，焦點便落在高治身上，但影高治的確麻煩，因為太高關係，好多時鏡頭都影唔晒，出晒鏡!!!!

大暑

是日 大暑

宜 祭祀 結網

忌 置產 除服

7月23日 利物浦2

第二天拍攝利物浦，發生了些麻煩事，事緣是次利物浦訪港行程，採訪記者必須事先申領記者証，跟據以往慣例，只要相同報館同事，就算記者証並非其本人都可以使用，所以申請時都較隨便，但偏偏今次執行非常嚴格，進場採訪記者必須有其自身申領的記者証才可，而我報申領的又不是我本人(本人又因故不會進場拍攝)，所以我明天於正式比賽時能否進埸都是未知之數，真麻煩。

7月22日 利物浦

最喜愛的曼聯遠在澳門，拍唔到傑斯史高朗尼C朗，只有拍拍香港的謝四托托高佬治。

訪港首天大隊去了旺角場操練，閉門不招待，要拍唯有到對面花墟唐樓找高位天台拍，幸運地趁一唐樓門未關偷偷上了一個五樓天台，距離遠但尚算清楚，拍球員操練都要鬼鬼鼠鼠好似偷窺咁，激死人....

破事兒

到書展工作，時間緊迫只有買下數本茶杯出版的書，其中彭浩翔的舊書<破事兒>最快看畢，雖然只是收錄了十多年前一些刊載於報章雜誌的短篇小說，但竟然又不覺得舊，有點情色，有點村上春樹，有腦小品。

7月19日 小強

仲咩影小強影到好似名貴珠寶拍賣咁....

7月18日 鬼馬相片

幾乎每次到會展時，都一定要去地下咖啡店旁的廁所一遊，單單就是為了途經時，看見的那些宣傳咖啡店的鬼馬相片，好懷舊好有趣。